តាកែវ÷ រដ្ឋបាលខេត្តតាកែវ នៅថ្ងៃទី០៩ ខែឧសភា ឆ្នាំ២០២១ បានសម្រេចផ្អាកជាបណ្ដោះអាសន្ននូវ អាជីវកម្ម ការលក់ដូរនៅក្នុងផ្សារយាយតប់ ភូមិថ្មី ឃុំរវៀង ស្រុកសំរោង ដែលជាតំបន់មានអ្នកវិជ្ជមានជំងឺកូវីដ-១៩ បានប៉ះពាល់ដោយផ្ទាល់ និងដោយប្រយោលជាច្រើននាក់ពាក់ព័ន្ធក្នុងព្រឹត្តិការណ៍សហគមន៍ ២០ កុម្ភៈ ២០២១។
រដ្ឋបាលខេត្តតាកែវបានបន្តទៀតថា អាជីវករទាំងអស់ព្រមទាំងក្រុមគ្រួសារ ត្រូវធ្វើចត្តាឡីស័កឱ្យបានត្រឹមត្រូវតាមការណែនាំរបស់ក្រសួងសុខាភិបាលក្នុងអំឡុងពេលនៃការអនុវត្តន៍វិធានការផ្អាកជាបណ្ដោះអាសន្ន ត្រូវបានហាមឃាត់រាល់ការជួបជុំ ឬការប្រមូលផ្តុំមនុស្ស។
ការរក្សាតម្លាតសុវត្ថិភាពបុគ្គល ជាពិសេសវិធានការ ៣កុំ ៣ការពារ របស់សម្តេចតេជោ ហ៊ុន សន នាយករដ្ឋមន្ត្រី ព្រមទាំងប្រកាន់ខ្ជាប់នូវការធ្វើអនាម័យដើម្បីសម្លាប់មេរោគ ការវាស់កម្ដៅដើម្បីប្រយុទ្ធ និងទប់ស្កាត់ការឆ្លងរាលដាលនៃជំងឺកូវឹង-១៩៕
